ගව ඝාතකාගාරයක් සඳහා බලපත්ර ලබාදීම සම්බන්ධයෙන් විරෝධතා කැඳවීමයි. එම්.එම්. අල්තාෆ් යන අය විසින් බෝවැල්ල පාර, ඇලහිල්ලෑව වත්ත, දනාගම යන ස්ථානයේ ගව ඝාතකාගාරයක් ආරම්භ කිරීමට අනුමැතිය ඉල්ලා ඇත. එබැවින් මාවනැල්ල බල ප්රදේශයේ පදිංචිකරුවන් වන ඔබගෙන් විරෝධතා කැඳවනු ලැබේ. එකී විරෝධතා ලිඛිත ව පිටපත් දෙකකින් 2024 පෙබරවාරි 02 දිනට පෙර මා වෙත යොමු කරන ලෙස දන්වා සිටිමි.
ලේකම් හා බලතල කාර්ය කර්තව්ය ක්රියාත්මක කිරීමේ නිලධාරි,මාවනැල්ල ප්රාදේශීය සභාව.
ජගත් පරිසර දිනයට සමගාමීව මාවනැල්ල ප්රාදේශීය සභාව විසින් මාවනැල්ල පොලිසිය, සෞඛ්ය වෛද්ය නිලධාරි කාර්යාලය, ගනේතැන්න ගම්වාසීන් හා එක්ව හිඟුල් ඔය පුංචි පාලම දෙපස පිරිසිදු කිරීමේ වැඩසටහනක් සහ රුක්රෝපණ වැඩසටහනක් ක්රියාත්මක කරන ලදි. මාර්ග දෙපස කසල දැමීම තහනම් පුවරුවක් ද සවි කරන ලදි.