සබරගමුව පළාතේ කෑගල්ල දිස්ත්‍රික්කයේ දැරණියගල ප්‍රාදේශීය සභා බල ප්‍රදේශය වර්ග කිලෝමිටර් 217.6ක භූමි ප්‍රමාණයකින් හා ග්‍රාමසේවා නිලධාරී වසම් 26 කින් යුතු බල ප්‍රදේශයකි. මෙහි 46000 ක පමණ ජනගහනයක් ජීවත් වන අතර මහජන නියෝජිතයින් සංඛ්‍යාව 21  විසින් එහි නියේජනය සිදු කරනු ලබයි. මනරම් කදුශිකර හා දියඇලිවලින් සුසැදි මනනස්කාන්ත පරිසරය මෙන් ම ජෛව විවිධයත්වයෙන් අනූන වූ පාරිසරික පද්ධතිය ද ප්‍රදේශයට සෞන්දර්යාත්මක වටිනාකමක් එක් කොට ඇත. ශ්‍රී ලංකාවේ වැඩිම වර්ෂාපතනයක් ඇදහැලෙන මෙම ප්‍රදේශයේ ප්‍රධාන ජීවනෝපායන් වන්නේ තේ, රබර් හා සුළු අපනයන භෝග ආශ්‍රිත කෘෂිකාර්මික කටයුතු ය. ව්‍යාපාරික වතු කෘෂිකාර්මික හැරුණු විට කාර්මික හා සේවා අංශයේ දායකත්වය ඉතාමත් පහළ අගයක් ගනී.